Home / اہم خبریں / بھارتی پولیس نے 2 بالی ووڈ اداکاروں کو خودکش بمبار قرار دے کر گرفتار کرلیا۔
بھارتی پولیس نے 2 بالی ووڈ اداکاروں کو خودکش بمبار قرار دے کر گرفتار کرلیا۔

بھارتی پولیس نے 2 بالی ووڈ اداکاروں کو خودکش بمبار قرار دے کر گرفتار کرلیا۔

بالی ووڈ اداکار ہرتیک روشن اور ٹائیگر شروف اپنی نئی آنے والی فلم کے لیے مخصوص لباس زیب تن کیے ہوئے تھے اور انہوں نے اپنا حلیہ مکمل تبدیل کیا ہوا تھا۔ سیکیورٹی فورسز نے 2 بالی ووڈ اداکاروں کو خودکش بمبار قرار دے کر گرفتار کرلیا

ئی دہلی: بھارت کی سیکیورٹی فورسز نے 2 بالی ووڈ اداکاروں کو خودکش بمبار قرار دے کر گرفتار کرلیا۔

بھارتی میڈیا رپورٹس کے مطابق ممبئی کی سرحد پر تعینات سیکیورٹی فورسز کے اہلکاروں نے وسائی ریرار شہر میں 2 خودکش حملہ آوروں کی موجودگی کی اطلاع پر کارروائی کی اور انہیں آپریشن کے نتیجے میں گرفتار کیا۔

بھارتی سیکیورٹی فورسز نے کارروائی کو کامیاب قرار دیا اور میڈیا پر بھی اس کے خوب شادیانے بجائے گئے، البتہ جب حقیقت عیاں ہوئی تو بھارت کو شرمندگی سے منہ چھپانا پڑ گیا کیونکہ گرفتار ہونے والے بمبار دراصل بالی ووڈ کے اداکار تھے جو اپنی نئی آنے والی فلم کی عکس بندی کررہے تھے۔

بالی ووڈ اداکار ہرتیک روشن اور ٹائیگر شروف اپنی نئی آنے والی فلم کے لیے مخصوص لباس زیب تن کیے ہوئے تھے اور انہوں نے اپنا حلیہ مکمل تبدیل کیا ہوا تھا۔

بھارتی اداکاروں کی تصاویر نے سیکیورٹی فورسز میں کھلبلی مچاد دی اور انہوں نے ایک گھر پر چھاپہ مار کر دونوں کو کچھ دیر کے لیے حراست میں رکھا البتہ شناخت کرنے کے بعد دونوں کو رہا کیا گیا۔

سیکیورٹی فورسز کے حکام کا کہنا تھا کہ انہوں نے سی سی ٹی وی فوٹیج میں دونوں نوجوانوں کو دیکھا جو ایک عوامی بس میں چڑھ رہے تھے، ہم یہ سمجھے دونوں بس میں دھماکا کریں گے جس کے پیش نظر پولیس کو بروقت ا طلاع دی گئی اور اُن کی نقل و حرکت پر گہری نظر رکھی گئی۔

پولیس نے کارروائی سے قبل دعویٰ کیا تھا کہ خود کش بمباروں میں سے ایک شخص کی شناخت بلرام گن والا اور ارباز خان کے ناموں سے ہوئی البتہ جب کارروائی کی گئی تو معلوم ہوا کہ دونوں اداکار ہدایت کار سدہارتھ آنند کی نئی آنے والی فلم کا منظر عکس بند کروا رہے تھے جس کے لیے انہیں بس میں سوار ہونا تھا۔

About admin

اپنا پیغام دیں

Your email address will not be published. Required fields are marked *

*

Scroll To Top