Home / اہم خبریں / خود کو جمہوریت پسند کہلانے والے فوج کو حکومت گرانے کا کہہ رہے ہیں،وزیراعظم عمران خان
خود کو جمہوریت پسند کہلانے والے فوج کو حکومت گرانے کا کہہ رہے ہیں،وزیراعظم عمران خان

خود کو جمہوریت پسند کہلانے والے فوج کو حکومت گرانے کا کہہ رہے ہیں،وزیراعظم عمران خان

چکوال۔۔۔ وزیراعظم عمران خان نے چکوال میں یونیورسٹی کے سنگ بنیاد کی تقریب سے خطاب کرتے ہوئے کہا کہ دنیا میں پاکستان کی فوج کو بدنام کرنے کی کوشش کی جارہی ہے۔ اپوزیشن والے فوج کوکہتے ہیں’’کو‘‘کرو۔ اپنے آپ کوجمہوری کہتے ہیں اوراپنی فوج کوکہتے ہیں الیکٹڈ حکومت کوگرادو۔

یونیورسی آف چکوال کی سنگ بنیاد رکھنے کی تقریب سے خطاب کرتے ہوئے وزیراعظم عمران خان کا کہنا تھا کہ ملک کی تاریخ میں جس طرح سیاسی اپوزیشن جماعتوں نے فوج پر حملہ کیا وہ اس سے پہلے کبھی نہیں ہوا اور وہ زبان استعمال کی جارہی ہے جو بھارتی پروپیگنڈا مشین پاکستان کے خلاف استعمال کرتی ہے۔

عمران خان نے کہا کہ اس سے قبل جنرل (ر) پرویز مشرف پر تنقید کی جاتی تھی لیکن وہ سیاسی شخصیت تھے کیوں کہ وہ ملک کے سربراہ بن چکے تھے۔ یورپی یونین کی ڈس انفو لیب نے انکشاف کیا کہ ہندستان نے 700 جعلی نیوز ویب سائٹس بنا رکھی تھیں جس میں مردہ اشخاص کے ناموں کو بھی استعمال کیا اور اس کا واحد مقصد یہ تھا کہ پاکستان کو دنیا میں برے انداز میں پیش کیا جائے تا کہ باہر سے کوئی پاکستان میں سرمایہ کاری نہ کرے۔

بات کو جاری رکھتے ہوئے وزیراعظم نے کہا کہ خودکوجمہوریت پسندکہلانےوالےکہتےہیں جمہوری حکومت گرا دو۔ اپوزیشن مجھ سےاین آراو مانگ رہی ہے۔ ایک کا بیٹا، دوسرے کی بیٹی این آراو کیلئے جلسے کر رہے ہیں۔ ان کا ایک ہی مطالبہ این آر او ہے۔ ان دونوں کا تجربہ یہ ہے کہ بڑی شان و شوکت سے پلے بڑھے ہیں۔ دونوں نے زندگی میں ایک گھنٹا کام نہیں کیا اور ملک چلانے جا رہےہیں۔ کوئی ان سے پوچھے آپ دونوں کی اہلیت کیاہے؟،۔ کسی نےان چوروں کواین آراو دیا تو ملک سے غداری کرےگا۔

بات کو جاری رکھتے ہوئے انہوں نے کہا کہ بھارت چاہتاہےپاکستان کی فوج کمزورہو۔ بھارت پاکستان کی فوج کےخلاف زبان استعمال کرتاہے۔ بھارت کی پروپیگنڈا مشین جیسی زبان استعمال کی جا رہی ہے۔ نہ ثبوت دیےنہ کسی فورم پرگئےاورپاک فوج کواٹیک کرناشروع کردیاکہ سلیکٹڈحکومت کو لائے۔ پہلی بارپاکستان کی اپوزیشن آرمی چیف اورآئی ایس آئی چیف کوٹارگٹ کررہی ہے۔

About admin

اپنا پیغام دیں

Your email address will not be published. Required fields are marked *

*

Scroll To Top