Home / اہم خبریں / تیرہ دسمبر فیصلے کا دن،جبر کی کالی رات کٹنے والی ہے:مریم نوازشریف کا ویڈیو پیغام
تیرہ دسمبر فیصلے کا دن،جبر کی کالی رات کٹنے والی ہے:مریم نوازشریف کا ویڈیو پیغام

تیرہ دسمبر فیصلے کا دن،جبر کی کالی رات کٹنے والی ہے:مریم نوازشریف کا ویڈیو پیغام

لاہور۔۔۔پاکستان مسلم لیگ (ن) کی رہنما مریم نواز شریف نے کہا ہے کہ عوام 13 دسمبر کو حق اور سچ کا ساتھ دے کر نئی تاریخ رقم کریں گے۔

تفصیل کے مطابق اپوزیشن اتحاد پاکستان ڈیموکریٹک موومنٹ (پی ڈی ایم) کے 13 دسمبر کے جلسے کے حوالے سے ویڈیو پیغام مریم نواز نے کہا ہے کہ جس مقام پر ایک ساتھ حق اور سچ پر کھڑے لوگوں نے ایک ساتھ مل کر قرارداد پاکستان منظور کی، اسی جگہ پر کھڑے ہو کر آپ حق اور سچ کا ساتھ دے کر نئی تاریخ رقم کریں گے۔

مسلم لیگ (ن) کی نائب صدر کا کہنا تھا کہ 13 دسمبر جلسے کا نہیں بلکہ فیصلے کا دن ہے۔ فیصلہ اپنے حق کے حصول کا یا پھر فیصلہ موجودہ بد ترین حالات سے سمجھوتا کرنے کا ہے۔

انہوں نے اپنے کارکنوں سے کہا کہ ہمیں مہنگائی کے عذاب کے خلاف، آٹے چینی اور چوری کے خلاف، 90 روپے کلو آٹے کے خلاف، 115 روپے کلو چینی کے خلاف، مہنگی، گیس اور بجلی کے خلاف، ہسپتالوں کے بیمار اور مفلوج نظام کے خلاف، مہنگی ادویات کے خلاف، جبر مسلسل اور جھوٹے مقدمات کے خلاف، طلبہ کی وظائف کے خلاف، پارلیمان کی پامالی کے خلاف، اظہار رائے پر پابندی کے خلاف فیصلہ کرنا ہوگا۔

مریم نواز شریف کا کہنا تھا کہ اب تک آپ نے جس طرح پی ڈی ایم کے جلسوں میں حکومتی جبر کو شکست دے کر شرکت کی، وہ بے مثال ہے۔ اپنی آواز اور شرکت سے فیصلے پر مہر ثبت کریں، بتا دیں ان جعلی حکمرانوں کو کہ جبر کی کالی رات کٹنے والی ہے، اب انشاء اللہ ایک آزاد صبح ہونے کو ہے۔

About admin

اپنا پیغام دیں

Your email address will not be published. Required fields are marked *

*

Scroll To Top