Home / اہم خبریں / تمہاری ایسی کی تیسی،کورونا ویکسین اکیلے کیسے لگوالی،لائیو ٹی وی شو کے دوران سینئر ڈاکٹرکوبیگم نے فون کرکے ڈانٹ دیا
تمہاری ایسی کی تیسی،کورونا ویکسین اکیلے کیسے لگوالی،لائیو ٹی وی شو کے دوران سینئر ڈاکٹرکوبیگم نے فون کرکے  ڈانٹ دیا

تمہاری ایسی کی تیسی،کورونا ویکسین اکیلے کیسے لگوالی،لائیو ٹی وی شو کے دوران سینئر ڈاکٹرکوبیگم نے فون کرکے ڈانٹ دیا

نئی دہلی: بھارت میں ایک سینئر ڈاکٹر کو کرونا وائرس کی ویکسین اکیلے لگوانے پر بیگم کی سخت ڈانٹ پھٹکار سننی پڑگئی، بدقسمتی سے وہ اس وقت ٹی وی پر لائیو تھے چنانچہ انہیں پڑنے والی ڈانٹ لاکھوں افراد نے سنی۔

بھارتی میڈیا کے مطابق کارڈیالوجسٹ ڈاکٹر اے کے اگروال اپنی گاڑی میں موجود تھے اور ایک ٹی وی چینل سے براہ راست گفتگو کر رہے تھے، اس دوران ان کی بیگم کا فون آیا۔

ان کے فون اٹھاتے ہی بیگم نے پوچھا کہ کیا تم کرونا وائرس کی ویکسین لگوانے گئے تھے؟ ڈاکٹر اگروال نے کہا کہ میں پتہ کرنے گیا تھا انہوں نے کہا کہ (کاؤنٹرز) خالی ہیں لگوا لو، تو میں نے لگوا لی۔
بیگم نے کہا کہ عجیب ہو تم ساتھ نہیں لے جاسکتے تھے، جس پر ڈاکٹر نے کہا کہ وہ سب کو پیر کی صبح لے جائیں گے۔ لیکن ان کی بیگم اس بات پر غصہ کرتی رہیں کہ وہ انہیں ساتھ لے کر کیوں نہیں گئے۔

یہ گفتگو ڈاکٹر اگروال کے ٹی وی پر لائیو ہوتے ہوئے ہورہی تھی، ڈاکٹر نے کہا کہ وہ ابھی لائیو ہیں جس پر ان کی بیگم نے کہا کہ میں لائیو میں آکر تمہاری ایسی کی تیسی کرتی ہوں۔

ڈاکٹر کی اس ویڈیو کو سماجی رابطے کی ویب سائٹ ٹویٹر پر ایک لاکھ سے زائد افراد نے دیکھا اور مختلف تبصرے کیے۔ ایک شخص نے لکھا کہ جب آپ ٹی وی پر لائیو ہوں تو کبھی بھی اپنی بیگم کا فون مت اٹھائیں۔

About admin

اپنا پیغام دیں

Your email address will not be published. Required fields are marked *

*

Scroll To Top