Home / اہم خبریں / پاکستانی خاتون کو دنیا میں اکیسویں صدی کے پہلی دو دہائیوں کی سب سے زیادہ متاثرکن شخصیت قراردیا گیا
پاکستانی خاتون کو دنیا میں اکیسویں صدی کے پہلی دو دہائیوں کی سب سے زیادہ متاثرکن شخصیت قراردیا گیا

پاکستانی خاتون کو دنیا میں اکیسویں صدی کے پہلی دو دہائیوں کی سب سے زیادہ متاثرکن شخصیت قراردیا گیا

کراچی: ملک کی معروف سماجی شخصیت اور فلاحی ادارے ایدھی فاؤنڈیشن کی شریک سربراہ بلقیس ایدھی کو دہائی کی بہترین شخصیت قرار دیا گیا ہے۔

تفصیلات کے مطابق اقوام متحدہ کے نمائندہ برائے انسانی حقوق پروفیسر یانگھی لی اور امریکی ماہر اخلاقیات اسٹیفن سولڈز کے ہمراہ بلقیس ایدھی کو بھی دہائی کی شخصیت (Person of the Decade) قرار دیا گیا ہے۔

امپیکٹ ہال مارکس نامی ادارے نے بلقیس ایدھی کو اکیسویں صدی کی پہلی 2 دہائیوں کی سب سے زیادہ متاثر کن شخصیت بھی قرار دیا ہے۔
بین الاقوامی ادارے امپیکٹ ہال مارکس نے اپنے اعلامیے میں کہا ہے کہ تین افراد بلقیس ایدھی، پروفیسر یانگھی لی اور اسٹیفن سولڈز نے دہائی کے اثر و رسوخ کی نمایاں علامتوں اور رائے عامہ کے مطابق سب کو پیچھے چھوڑ دیا ہے۔

خیال رہے کہ بلقیس ایدھی عبدالستار ایدھی کی اہلیہ ہیں جو ایدھی فاؤنڈیشن کا اہم حصہ رہیں اور اب وہ ادارے کی سربراہ ہیں۔

انہیں ایدھی صاحب کے ہمراہ خدمات عامہ کے لیے سنہ 1986 میں رومن میگسیسی اعزاز سے نوازا گیا جبکہ حکومت پاکستان کی جانب انہیں ہلال امتیاز بھی عطا کیا گیا ہے۔

بھارتی لڑکی گیتا کی دیکھ بھال کرنے اور بحفاظت بھارت واپس پہنچانے پر پر بھارت نے انہیں مدر ٹریسا ایوارڈ 2015 سے نوازا تھا۔

About admin

اپنا پیغام دیں

Your email address will not be published. Required fields are marked *

*

Scroll To Top